Mbahet mbledhja e parë e grupit punues për anëtarësimin e Kosovës në NATO

Ministrja e Punëve të Jashtme, Donika Gërvalla, ka treguar se sot ka kryesuar mbledhjen e parë të grupit punues për anëtarësim në NATO.

“Sonte, unë kam kryesuar mbledhjen e parë të grupit të punës, të krijuar nga qeveria e Kosovës për të rritur përpjekjet tona për anëtarësimin në NATO”, ka shkruar Gërvalla në një postim në Twitter.

Tonight, I’ve chaired the first meeting of the working group, established by the🇽🇰 government to increase our efforts for @NATO membership.

After Putin’s attack, the new era in #Europe requires a new strategy for securing peace in our continent. pic.twitter.com/SMEVmMUVIp

— Donika Gërvalla-Schwarz (@gervallaschwarz) March 9, 2022

Tutje Gërvalla tha se pas agresionit rus, epoka e re në Evropë kërkon një strategji të re për sigurimin e paqes.

“Pas sulmit të Putinit, epoka e re në Evropë kërkon një strategji të re për sigurimin e paqes në kontinentin tonë”, u shpreh ministrja.

Qeveria sot ka themeluar grupin punues ndërinstitucional për integrimin e Kosovës në NATO.

Ky grup, në përbërje ka ministren e Punëve të Jashtme dhe Diasporës, Donika Gërvalla, në cilësinë e kryesueses.