14:31 / E Martë, 19 Mars 2024 / k.v
Gjendet e gjallë e moshuara e cila ishte zhdukur në rajonin e Dragashit
Një grua e moshuar e cila është raportuar dje e zhdukur në rajonin e Dragashit, sot është gjetur e gjallë, transmeton IndeksOnline.
Lajmin për gjetjen e saj e kanë dhënë familjarët përmes rrjeteve sociale.
Për këtë rast kishte reaguar mbrëmë edhe kryetari i komunës, Bexhet Xheladini.
Ai i kishte bërë thirrje të gjithë njerëzve të vullnetit të mirë të dalin në kërkim të zonjës në fjalë.
Për të kërkuar të moshuarën sot ishte angazhuar edhe njësiti i kërkim shpëtimit./IndeksOnline/
