Gjermania dhe Franca hedhin hapin e parë drejt krijimit të ‘ushtrisë evropiane’

Angela Merkel ka përshëndetur një traktat të ri të miqësisë franko-gjermane si një hap drejt krijimit të një ushtrie të përbashkët të ardhshme evropiane.

Kancelarja gjermane tha se pakti, i nënshkruar sot në qytetin e lashtë gjerman të Aachen, synon të ndërtojë një ‘kulturë të përbashkët ushtarake’ mes dy vendeve.

Në një fjalim gjatë ceremonisë, Merkel këmbënguli se traktati ‘kontribuon në krijimin e një ushtrie evropiane’.

Marrëveshja e re u nënshkrua saktësisht 56 ​​vjet pas Traktatit të Elysee të vitit 1963, i cili vendosi tonin për marrëdhëniet e afërta të dy vendeve pas shekujve të konfliktit që përfundoi me Luftën e Dytë Botërore.

Si Presidenti francez Emmanuel Macron ashtu dhe Merkel kanë shtyrë idenë e një ushtrie të përbashkët evropiane për bllokun që do të ishte pjesë e aleancës më të gjerë të NATO-s.

Merkel në fjalën e saj gjithashtu tha se, ndërsa Franca dhe Gjermania kërkojnë më shumë integrime politike, ekonomike dhe të mbrojtjes, ata gjithashtu duhet të punojnë në një “industri të përbashkët ushtarake”.

Dhe ajo paralajmëroi kundër rritjes së nacionalizmit në Evropë ndërsa ajo bëri thirrje për ringjallje të bashkëpunimit ndërkufitar. /IndeksOnline/