Gjermania mirëpret vendimin e Qeverisë së Kosovës për heqjen e kufizimit për mallrat nga Serbia

Ambasadori i Gjermanisë në Kosovë, Jorn Rohde, deklaroi se e mbështet vendimin e Qeverisë së Kosovës për hapjen e pikës kufitare në Merdar për mallrat që vijnë nga Serbia.

Rohde më 07.10.2024 ka thënë se ky vendim “shënon hap të rëndësishëm drejt zhbllokimit të CEFTA-s”. “E mirëpres vendimin e Qeverisë së Kosovës për hapjen e pikës kufitare Merdar për mallrat që nga vijnë Serbia.

Ky vendim shënon një hap të rëndësishëm drejt zhbllokimit të CEFTA-s. Ne do të mbështesim Kosovën për të siguruar plotësimin e nevojave të sigurisë dhe monitorimin e proceseve në pikën kufitare”, ka shkruar ai në X.