Gjiganti anglez i bën gati 100 milionë euro për Tonalin

Arsenali po avancon me planet për të nënshkruar me mesfushorin e Newcastle United, Sandro Tonali, i cili vlerësohet rreth 100 milionë euro.

Raporte sugjeruan se Arsenal tentoi nënshkrimin e Tonalit, 25 vjeç, në janar, por këto u mohuan nga agjenti i tij, Beppe Riso.

Megjithatë, thashethemet vazhdojnë, dhe Riso u pa në tribunë gjatë fitores së ngushtë 1-0 të Arsenalit ndaj Brightonit.

Sipas “Tuttosport”, liderët e Premierligës po vijojnë me planet për Tonalin, të cilin Newcastle e çmon 100 milionë euro (£87m).

Interes për mesfushorin thuhet se është i madh, me rivalë si Manchester United, Real Madrid dhe Juventus gjithashtu të interesuar.

Tonali u transferua te Newcastle nga Milani në vitin 2023 për 64 milionë euro, ku arriti të fitojë “Carabao Cup” në vitin 2025.