11:32 / E Mërkurë, 13 Shkurt 2019 / indeksADMonline
Gjilanasi kapet me 281 telefona të kontrabanduar
Policia e Kosovës ka bërë të ditur se në një veturë që ndaloi dje në Gjilan, gjeti 281 telefona celular të kontrabanduar.
Sipas policisë, gjatë kontrollit në veturën e të dyshuarit pos telefonave me faturë të pavulosur, u gjetën edhe shtatë “iPad” dhe katër USB.
Malli i dyshuar është konfiskuar dhe është dorëzuar në terminalin doganor Dheu i Bardhë, kurse i dyshuari së bashku me veturën e tij është liruar në procedurë të rregullt. /Indeksonline/
