Gjuajtje me armë në Obiliq, dy të arrestuar
Një rast i gjuajtjes me armë zjarri ka ndodhur mesditën e sotme në Obiliq, raporton Indeksonline.
Policia e Kosovës i është përgjigjur menjëherë rastit duke dalë në vendin e ngjarjes.
Dy persona kanë përfunduar në pranga ndërsa nuk raportohet për të plagosur.
Në vendin e ngjarjes është parë Policia e Kosovës duke u marrë me rastin, ndërkohë burimet e Indeksonline kanë thënë se në vendin e ngjarjes është gjetur edhe një armë zjarri, kallashnikov.
Nuk dihen ende motivet e këtij rasti ndërkohë hetimet ende po vazhdojnë./Indeksonline/