Gjuriq i dëshpëruar nga fakti se përfaqësuesit kosovarë nuk po heqin taksën

Shefi i të ashtuquajturës Zyra për Kosovën, Marko Gjuriq ka deklaruar se takimi i delegacionit të Prishtinës dhe atij të Beogradit në Berlin ishte ishte përgatitje teknike për të parë nëse kosovarët janë të gatshëm për të hequr taksën 100%.

Gjuriq tha se përfaqësuesit kosovarë janë treguar ‘mendjemëdhenj’, arrogant dhe të papërshtatshëm.

“Ne nuk mund të jemi të kënaqur me faktin se nuk do të ketë takim në Paris, në saje të sjelljeve të Prishtinës. Beogradi është përgatitur në të gjitha bisedimet dhe sillet në mënyrë të përgjegjshme, me dëshirën për të krijuar parakushtet themelore për rifillimin e dialogut”, tha Gjuriq, transmeton Indeksonline.

Ai tha madje se vendosja e taksës më 21 nëntor është anti-civilizuese nga e cila po vuan ekonomia serbe./Indeksonline/