Gjysmëhëna e Kuqe e Palestinës thotë se ka evakuuar 24 persona nga spitali al-Amal

Shoqata e Gjysmëhënës së Kuqe të Palestinës (PRCS) thotë se ka mundur të evakuojë 24 persona nga spitali al-Amal, duke përfshirë 18 pacientë dhe të plagosur, tetë prej të cilëve kishin nevojë për kirurgji urgjente.

Organizata tha në një deklaratë se ekuipazhet e saj ishin gjithashtu në gjendje të sillnin ushqim dhe ujë në spital të dielën.

Pavarësisht koordinimit paraprak nga Kombet e Bashkuara, forcat izraelite penguan kalimin e autokolonës për rreth shtatë orë në pikën e kontrollit ushtarak në perëndim të lagjes al-Amal, tha PRCS.

“Të gjithë mjekët u dëbuan me forcë nga automjetet e tyre dhe u ulën në tokë, ndërsa tre prej tyre u ndaluan dhe u dërguan në një vend të panjohur pasi iu hoqën rrobat. Okupimi e liroi njërin prej tyre pas mesnate, ndërsa ndalimi i mjekëve Jihad Aslim dhe Ramadan Ashur ka vazhduar që nga mbrëmja e djeshme”, shtoi ajo në X.