Glauk Konjufca takoi ambasadorin çek në Kosovë, Pavel Bílek
![](https://indeksonline.net/wp-content/uploads/2021/04/2021_04_01_Kryetari-Konjufca-takoi-ambasadorin-cek-ne-Kosove-Pavel-Bilek-scaled.jpg)
Kryetari i Kuvendit të Kosovës, Glauk Konjufca takoi ambasadorin çek në Kosovë, Pavel Bílek, nga i cili ka pranuar urimin për detyrën e re.
Në takim u tha se te dy vendet kanë marrëdhënie të mira ndërshtetërore dhe u shtrua nevoja që ato të thellohen edhe më tej.
Kryetari Konjufca e njoftoi ambasadorin Bilek për angazhimin e institucioneve të Kosovës për sigurimin e vaksinave anticovid, duke shpresuar edhe në ndihmën e vendeve mike.
Më tej, kryetari Konjufca tha se synon që gjatë mandatit të tij në këtë post do të synojë të ngris kapacitetet e Kuvendit për draftimin e ligjeve, të bëjë reforma në drejtësi dhe të vazhdojë ta mbikëqyrë punën e ekzekutivit kosovar.
Të dy bashkëbiseduesit shprehën gatishmëri që ta rrisin bashkëpunimin ndërshtetëror në sferën e ekonomisë, këmbimit tregtar, turizmit, arsimit dhe kulturës.