Goditi vajzën e tij dyvjeçare, arrestohet mitrovicasi
![](https://indeksonline.net/wp-content/uploads/2024/02/Arrestim-policia-e-Kosoves-600x360-1.jpg)
Është arrestuar një burrë në Mitrovicë të Veriut, i cili dyshohet se ka goditur me shuplakë vajzën e tij dyvjeçare.
Ndërkaq, gruaja e të dyshuarit, bashkë me motrën e saj kanë tentuar ta ndalojnë, por që ai ka vazhduar duke goditur edhe njërën nga gratë.
Viktima ka pësuar lëndime trupore dhe e njëjta ka pranuar tretman mjekësor.
“Raportohet se i dyshuari mashkull kosovar, ka goditur me dorë vajzën e tij të moshës 2 vjeçare. Bashkëshortja dhe motra e saj kanë tentuar që ta ndalojnë, por i dyshuari ka vazhduar duke goditur edhe viktimën femër kosovare. Viktima ka pësuar lëndime trupore dhe e njëjta ka pranuar tretman mjekësor”, thuhet në raportin 24 orësh të policisë.
Me vendim të prokurorit, pas intervistimit rasti shkon në procedurë të rregullt.