Policia me detaje për aksidentin në lagjen “Dardania”
Një aksident trafiku ka ndodhur sot në lagjen “Dardania” ku është goditur rëndë një këmbësor.
Për këtë fillimisht raportoi IndeksOnline, ndërsa zëdhënësja e policisë për rajonin e Prishtinës, Flora Ahmeti, ka dhënë detaje për këtë aksident.
“Sot rreth orës 11:00, në rrugën “Bill Klinton”, në Prishtinë, ka ndodhur një aksident trafiku, në të cilin kanë qenë të përfshirë një automjet në lëvizje dhe një këmbësor. Si pasojë e aksidentit, lëndime trupore ka pësuar këmbësori. Me rastin është duke u marrë Njësiti i Trafikut”, tha Ahmeti për IndeksOnline.
Ndryshe në vendin e ngjarjes, rastësisht ka qenë rreshteri Xhevdet Derguti, polic i Kosovës, i cili i ka dhënë ndihmën e parë, pasi personi ishte ngufatur dhe ka ishte pa frymëmarrje.