Google prezanton Google Vids: Mjet bazik për editim-video direkt në cloud

Google Drive po bëhet gjithnjë e më “miqësor” me videot, duke prezantuar Google Vids, një mjet bazik për editim video drejtpërdrejt në cloud për përdoruesit e disa domain-eve Workspace.

Një ikonë e purpurt e Google Vids do të shfaqet në këndin e sipërm të djathtë kur hapet një video, duke lejuar prerjen e saj, shtimin e muzikës, tekstit dhe elementëve të tjerë vizualë. Puna e bërë në Google Vids krijon një skedar të ri, që do të duhet të ruhet ose të eksportohet veçmas.

Mjeti mbështet vetëm formatet MP4, QuickTime, OGG dhe WebM, me kohëzgjatje deri në 35 minuta dhe madhësi maksimale 4GB.

Aktualisht, funksioni është i disponueshëm vetëm për përdoruesit e Workspace, duke përjashtuar llogaritë falas të Google Drive, dhe integrimi do të fillojë të shfaqet brenda 15 ditëve për përdoruesit e kualifikuar.

Edhe pse më i përshtatshëm për desktop, shfletuesit mobilë mund të realizojnë disa editime të shpejta me kujdes. Ky zhvillim i fundit tregon përpjekjet e Google për të ofruar një përvojë më të plotë video direkt në cloud.