Grabitje e armatosur në Kaçanik
Mbrëmë në fshatin Doganaj të Kaçanikut ka ndodhur një grabitje e armatosur.
Pronari i një bastore sportive ka raportuar në polici se dy persona me maska dhe nën kërcënimin e armës i kanë grabitur para nga arka dhe janë larguar në drejtim të panjohur
Sipas Policisë së Kosovës nuk ka të lënduar, teksa ata po merren me rastin.
“Ankuesi mashkull K/Shqiptar, ka njoftuar se derisa ishte ne vendin e punës në lokalin bastore sportive, kanë hyrë dy persona të dyshuar e të maskuar, nën kërcënimin e armës-revole, kanë grabitur nga arka para dhe janë larguar në drejtim të panjohur. Nuk raportohet për të lënduar. Rastit ju kanë përgjigjur njësitet relevante Policore. Me vendimin e Prokurorit, është iniciuar rasti dhe mbetet nën hetime.” thuhet në njoftimin e Policisë./Indeksonline/