Grezda denohet nga gjykata skoceze, hyri në të kuqen
Futbollisti i Rangersit, Eros Grezda është denuar nga një gjykatë në Skoci për shkak të shkeljeve të rregullave të trafikut.
Reprezentuesi i Shqipërisë është pjesë e Rangersit që prej verës së kaluar, ku u transferua nga Osijeku, por ai nuk ka arritur dot ta gjejë veten në Skoci, derisa ka pasur probleme me disa lëndime.
Si të mos mjaftonin problemet që i ka në fushën e lojës, gjakovari ka përfunduar dhe në gjykatën skoceze.
Grezdës i është pezulluar patenta duke qenë se humbi pikët e saj.
Gjakovari kaloi një semafor me dritë të kuqe dhe u paraqit në gjykatë ku u shpall fajtor dhe iu hoq patenta për 6 muaj, shkruan Zëri.
Ai duhet të paguajë dhe 350 funte gjobë për këtë shkelje.
Kjo nuk ishte shkelja e parë për të, pasi më herët kishte humbur dhe 12 pikë të tjera. /Indeksonline/