Hamdi Namani nga Prishtina transferohet te Gjilani
Prishtina dhe Gjilani kanë arritur një marrëveshje transferimi në orët e fundit të merkatos.
Skuadra nga kryeqyteti ka njoftuar huazimin e mesfushorit Hamdi Namani te skuadra e Gjilanit,deri në fund të sezonit, shkruan IndeksOnline.
Namani gjatë gjysmës së parë të kampionatit, ka regjistruar 21 paraqitje për Prishtinën në të gjitha garat, përfshirë edhe 4 ndeshje në kompeticionet evropiane.
Ai kontribuoi me 3 gola dhe 1 asistim./IndeksOnline/

