Hapet zyrtarisht në Hagë hetimi ndërkombëtar për pushtimin rus të Ukrainës

Një hetim ndërkombëtar për pushtimin rus të Ukrainës është hapur zyrtarisht në Hagë.

Qendra Ndërkombëtare për Ndjekjen e Krimit të Agresionit do të punojë së bashku me Gjykatën Ndërkombëtare Penale për të mbledhur prova për rastet e mundshme kundër udhëheqësve ushtarakë dhe politikë rusë përgjegjës për luftën, shkruan SkyNews, transmeton Klankosova.tv.

Sipas ekspertëve ligjorë, zyra përfshin prokurorë ukrainas dhe pritet të synojë rreth 22 zyrtarë të lartë qeveritarë dhe ushtarakë.