Hapet zyrtarisht televotimi për këngën fituese në Rtsh

Edicioni i Festivalit të Këngës në RTSH është mbajtur me datë 19, 20, 21 ndërsa nesër ( me 22 dhjetor) do të mbahet finalja e madhe.

Këtë vit është më ndryshe nga herët e tjera për shkak se kënga që do të përfaqësojë Shqipërinë në “Eurovision 2023” do të zgjidhet nga votat e publikut.

Lidhur me ecurinë, faqja zyrtare e RTSH-së në ‘Facebook’ ka deklaruar se tani është hapur zyrtarisht votimi.

“Hapet zyrtarisht televotimi! Për të përfaqësuar Shqipërinë në Festivalin Europian të Këngës, VOTONI këngëtarin ose këngëtaren tuaj të preferuar, duke dërguar me SMS kodin përkatës, nga Shqipëria në numrin 56789 dhe nga Kosova në numrin 55789.Nga një numër mund të votohet deri në 3 herë”, thuhet në postim./Indeksonline/