Haradinaj: Dhjetëra milionë dollarë më shumë për Kosovën nga ShBA

Kryeministri  Ramush Haradinaj ka thënë se dhjetëra milionë dollarë më shumë për Kosovën nga ShBA janë mbështetje në zhvillim ekonomik, energji dhe sundim të ligjit.

Haradinaj ka mbajtur një takim me delegacionin e MCC nga Uashingtoni, Karen Sessions dhe Jonathan Brook, të cilët i ka falënderuar për kontributin e dhënë për popullin dhe shtetin e Kosovës, transmeton Indeksonline.

Postimi i plotë:

Shumë inkurajues vlerësimi i Korporatës së Sfidës së Mijëvjeçarit për progresin substancial të Kosovës në sundim të ligjit, zhvillimin ekonomik dhe në ngritjen e kapaciteteve profesionale. Kjo është përkthyer me besimin e MCC-së që Kosova të tërheqë mjete nga programet Threshold dhe Kompakt. Dhjetëra milionë dollarë më shumë për Kosovën nga ShBA si mbështetje në zhvillim ekonomik, energji dhe sundim të ligjit. Delegacionin e MCC nga Uashington, Karen Sessions dhe Jonathan Brooks, i falënderova për kontributin e gjithanshëm që kanë dhënë dhe vazhdojnë të japin për popullin dhe shtetin e Kosovës./Indeksonline/