Haradinaj fton në një takim liderët: Të bashkohemi në dy temat e rëndësishme

Kryetari i Aleancës për Ardhmërinë e Kosovës, Ramush Haradinaj ka deklaruar se Kosova ka para vetes unifikimin e qëndrimeve në dy tema.

Sipas tij, taksa duhet të mbahet deri në njohje në kufijtë ekzistues nga Serbia.

“Për të dalë nga situata që e dobëson pozicionin e Kosovës, nesër në orën 14:00, në hapësirat e Kuvendit të Kosovës, kam ftuar takimin e kryetarëve të partive parlamentare”, ka shkruar ai.

Postimi i plotë:

Ne kemi para nesh mundësinë e unifikimit të qëndrimeve në dy tema:

1. Ecjen përpara me Amerikën apo pritjen për Evropën;

2. Taksën, për të cilën disa kërkojnë suspendim, disa heqje pa kushte, disa reciprocitet para apo pas heqjes.

Qëndrimi im dhe i AAK-së është se taksa duhet të mbahet deri në njohje në kufijtë ekzistues nga Serbia. Për të dalë nga situata që e dobëson pozicionin e Kosovës, nesër në orë 14:00, në hapësirat e Kuvendit të Kosovës, kam ftuar takimin e kryetarëve të partive parlamentare.

Uroj që të mos refuzohet bashkimi e përpjekja për unitet, në këtë moment vendimtar për vendin.

RH