Haradinaj homazhe te shtatorja e Hasan Prishtinës: Mbetet figura më emblematike e vendit!

Kryeministri i Kosovës, Ramush Haradinaj sot ka qëndruar në Vushtrri, ku ka bërë  homazhe te shtatorja e Hasan Prishtinës.

Në një postim në Facebook, Haradinaj ka shkruar se është përherë falënderues për rolin historik të themeluesit të shtetit shqiptar, transmeton Indeksonline.

Më poshtë postimi i Haradinajt:

Hasan Prishtina mbetet figura më emblematike e Kosovës, që jetën, pasurinë dhe intelektin e tij, e shkriu për lirinë e popullit shqiptar.

Në nderim dhe kujtim të kësaj vlere kombëtare, sot bashkë me Kryetarin Xhafer Tahiri, bëra homazhe te shtatorja e “Hasan Prishtinës” në Vushtri.

Përherë falënderues për rolin historik të themeluesit të shtetit shqiptar! /Indeksonline/