Haradinaj homazhe te varri i presidentit Rugova dhe te shtatorja e Zahir Pajazitit
Në shënim të 13-vjetorit të Pavarësisë së Kosovës, lideri i Aleancës për Ardhmërinë e Kosovës (AAK), Ramush Haradinaj, ka bërë homazhe te varri i presidentit Ibrahim Rugova.
Haradinaj nga atje tha se janë aty për ta vlerësuar punën dhe veprën e presidentit Rugova.
“Në përvjetorin e 13 të pavarësisë së vendit nderojmë tek varri i presidentit tonë të parë dhe historik, në shenjë vlerësimi për veprën e presidentit Rugova për liri dhe pavarësi, ashtu siç ishim në Reçak e Gllogjan e në vende të tjera”, tha Haradinaj.
Më tej, ai vizitën e tij e ka vazhduar duke bërë homazhe te shtatorja e Zahir Pajazitit, në sheshin e Prishtinës.
Përmendim se, Haradinaj i ka filluar vizitat e tij që në mëngjesin e kësaj dite, duke filluar në Reçak, në Gllogan e në Prekaz./Indeksonline
