Haradinaj i dhuron medalje familjes së Isuf Dedushajt për kontributin e tij në çështje kombëtare

Kreu i AAK-së, Ramush Haradinaj shkoi për ngushëllime te familja Dedushaj, me rastin e vdekjes së profesorit, Isuf Dedushaj.

Haradinaj, familjes Dedushaj i dhuroi medaljen “ME BESIM NË ZOT, ATDHE E SHTET”, post mortem, për kontributin e jashtëzakonshëm në çështjen kombëtare të profesorit të ndjerë.

E në një postim në Facebook, Haradinaj thotë se profesori la gjurmë në fushën e dijes dhe shkencës, duke shtuar se do të mbahet mend për shumë kohë për humanizmin e tij, transmeton Klankosova.tv.

“Në ngushëllime te familja Dedushaj, shprehëm pikëllimin tonë për shkuarjen e parakohshme në amshim të profesor Isuf Dedushajt. Ai ka lënë gjurmë në fushën e dijes e shkencës dhe do të mbahet për shumë kohë për humanizmin e tij”, shkroi ai./iNDEKSONLINE/