Haradinaj me akuza të rënda: Albin Kurti ka marrë mision shkatërrimin e shtetit

Kryetari i AAK-së, Ramush Haradinaj ka akuzuar kryeministrin Kurti se ka marrë misionin shkatërrimin e shtetit.

Haradinaj në Facebook ka shkruar se pas shkaktimi të rrezikut në veri, ngecjes në dialog, sipas Haradinajt, Kurti ka vendosur ta shkatërrojë sistemin e drejtësisë.

“Me vendimin e qeverisë që të shfuqizohet vendimi im për rritjen e pagave për gjyqtarë dhe prokurorë, nga sot drejtësia do të punojë me paga të përgjysmuara”, ka shkruar ndër të tjera Haradinaj.

Postimi i plotë:

Albin Kurti ka marrë mision shkatërrimin e shtetit. Pas shkaktimit të rrezikut në veri, ngecjes në dialog dhe prishjes me amerikanët, sot ka vendosur ta shkatërrojë sistemin e drejtësisë.

Me vendimin e qeverisë që të shfuqizohet vendimi im për rritjen e pagave për gjyqtarë dhe prokurorë, nga sot drejtësia do të punojë me paga të përgjysmuara.

Prokurorët dhe Gjyqtarët që çdo ditë mbrojnë shtetin dhe drejtësinë, sot janë goditur nga Kryeministri i shkatërrimit.

Ftoj Kurtin që menjëherë të kthejë pagat e Prokurorëve dhe Gjyqtarëve në nivelin që kanë qenë sepse përndryshe mund të shkatërrohet nga brenda njëri prej segmenteve më të rëndësishëm të një shteti, drejtësia.

Nëse nuk ndalesh pasojat do të jenë të pariparueshme!