16:00 / E Hënë, 16 Shtator 2019

Haradinaj nderon heronjtë e Llapit: Ajo që është arritur nuk ka me u prekë ma!

Kryeministri në detyrë dhe i nominuari i koalicionit AAK-PSD për kryeministër, Ramush Haradinaj ka qëndruar sot në Podujevë.

Ai me anë të një postimi në Facebook ka treguar për homazhet që ka kryer sot tek heronjtë e Llapit.

“Ajo që është arritur nuk ka me u prekë ma! Në gjithë historinë e shqiptarëve, Llapi ka dhënë kontribut të çmuar për liri. Në nderim të angazhimit të tyre deri në flijim për të drejtën e kombit sot kam bërë homazhe te shtatoret e heronjve Zahir Pajaziti, Ilir Konushevci, Hakif Zejnullahu dhe Edmond Hoxha. Po sot, në nderim të veprës heroike të prijësit guximtar të kryengritësve të viteve ’80, kam bërë homazhe te shtatorja e Ali Ajetit. Sakrifica e brezave të tërë për të drejtën tonë për të jetuar të lirë na obligon sot ta ruajmë Kosovën të paprekshme. Lavdi e përjetshme të gjithë atyre që u flijuan për Atdhe”, ka shkruar Haradinaj.