Haradinaj: Nuk kemi djem e vajza për mërgim

Kryetari i Aleancës për Ardhmërinë e Kosovës, Ramush Haradinaj, ka përshëndetur tubimin e partisë në Deçan.

Pavarësisht se Haradinaj është duke qëndruar në SHBA, ku do të marrë pjesë në inaugurimin e presidentit Donald Trump, Haradinaj ka falënderuar të gjithë të rinjtë që morën pjesë në tubim, duke thënë se 500 milionë euro do të ndahen për bizneset e reja.

“Rinia e Kosovës është më e mira në Botë. Janë shpirti e zemra e këtij populli. Ne nuk kemi djem e vajza për mërgim. E kemi obligim t’i kthejmë e të ardhmen e tyre ta garantojmë këtu, e jo në gyrbet”, u shpreh Haradinaj.

Ky është postimi i plotë i tij:

Ta mbajmë rininë në Kosovë – 500 milionë euro për bizneset e reja!

Rinia e Kosovës është më e mira në Botë. Janë shpirti e zemra e këtij populli. Ne nuk kemi djem e vajza për mërgim. E kemi obligim t’i kthejmë e të ardhmën e tyre ta garantojmë këtu, e jo në gyrbet.

Krenar me Deçanin tim!