Haradinaj shkon në Klinë, e uron Elezajn për fitoren në zgjedhje

Ramush Haradinaj ka ndaluar sot në Klinë për të uruar Zenun Elezajn për fitoren e arritur dje. Kreu i AAK-së ka thënë se pas numërimit të të gjitha votave, Klina do të konfirmojë fitoren pa balotazh.

“Sot në Klinë për t’i uruar kryetarit Zenun Elezaj për fitoren bindëse. Vërtet, kryetari Elezaj është vlerë e shtuar për Klinën. Ai ka rreth vetes njerëz profesionistë e me vlera, që çdo ditë bëjnë më të mirën për qytetarët, si në Asamble, ashtu edhe në ekzekutiv.
Jam krenar për rezultatin dhe i sigurt se pas pak ditësh, Klina do ta konfirmojë fitoren e Aleancës” shkruan Haradinaj në njoftim./Indeksonline/