Haradinaj: S’kemi kërkesë zyrtare për shfuqizimin e speciales

Kryeministri Ramush Haradinaj ka deklaruar se ende nuk kanë pranuar zyrtarisht nga Kuvendi iniciativën për shfuqizimin e Gjykatës Speciale.

Haradinaj tha se kjo është një procedurë që duhet të ndiqet, megjithatë ende nuk e din se si do të veprohet.

“Kjo procedurë është praktikë që duhet ndjekur, ne ende nuk e kemi marrë zyrtarisht shkresën. Nuk e di si do të veprojmë sepse ende se kemi”, ka thënë Haradinaj.

Këto komente ai i bëri gjatë takimit me kryetarin e komunës së Obliqit, Xhafer Gashi.

Kujtojmë që Kryesia e Kuvendit, ka vendosur që kërkesën e  deputetëve për shfuqizimin e Ligjit për Dhomat e Specializuara ta kthejë në Qeveri./Indeksonline/