Haradinaj mban sot tubim me qytetarë të Pejës

Sot në sheshin “Shkëlzen Haradinaj”, në Pejë, kryeministri në detyrë Haradinaj, do të mbajë një tubim me qytetarët.

Sipas njoftimit nga AAK-ja, tubimi do të jetë i madh dhe prezent do të ketë shumë qytetarë. Haradinaj në kuadër të AAK-së dhe koalicionit me PSD-në, ka mbajtur dhjetëra takimet ditëve të fundit në pjesë të ndryshme të Kosovës.

Ai për çdo ditë po prezanton pjesë të programit qeverisës dhe zotimet e tij të dhëna pak ditë më parë. Siç bëhet e ditur, tubimi do të nisë nga ora 18:00.