Hashim Thaçi dhe Fatmir Limaj si dikur, shëtisin bashkë nëpër qytet

Presidenti Hashim Thaçi dhe zëvendëskryeministri Fatmir Limaj janë kthyer si në kohët e vjetra, kur çdo hap e bënin bashkë.

Pas një përplasjeje pesëvjeçare, Limaj e Thaçi janë parë sërish bashkë, duke biseduar mes vete.

Në një fotografi që ka siguruar Gazeta Express, Limaj e Thaçi shihen bashkë teksa dalin nga ndërtesa e Qeverisë, e ecin së bashku jashtë saj.

Limajn, si i zgjedhur si kryenegociator i ekipit qeveritar në dialogun me Serbinë dhe Thaçin, e palëkundur nga pozita e kryenegociatorit suprem, është tema e dialogut ajo që i ka rikthyer bashkë.

Ndërkaq, pikërisht drejtimi i dialogut nga presidenti Thaçi, pika me të cilën edhe Limaj sikurse opozita nuk po pajtohej në lidhje me negociatat me Serbinë.

Që nga dalja e Limajt në mënyrë demonstrative nga PDK-ja që atëherë udhëhiqej nga Hashim Thaçi, të dy kanë pasur raporte të acaruara mes vete.

Madje, Limaj për vite të tëra akuzonte Thaçin se ai është një mashtrues që shfrytëzon njerëzit rreth tij, kur këta i duhen.