Havolli: Kosova e fiton rastin kundër IUTE CREDIT

Kosova e ka fituar rastin ndaj bnkës IUTE CREDIT, në arbitrazh ndërkombëtar.

Kështu ka bërë të ditur ish zv.guvernatori i BQK-së, Sokol Havolli.

Ai ka thënë Kosova ka insistuar në ligjshmëri, dhe kjo është konfirmuar si e drejtë nga ana e abritrazhit ndërkombëtar.

“Ne insistuam në ligjshmëri edhe kur u sulmuam në mënyrë të paskrupullt nga qarqe të ndryshme, madje edhe me pozicione të rëndësishme publike, brenda vendit” shkroi Havolli në Facebook.

Ky është njoftimi i plotë i tij:

Kosova e fitoi rastin kundër IUTE CREDIT në arbitrazh nderkombetar.

Insistimi jonë për ligjshmeri dhe vetem ligjshmeri ne vendimet tona u konfirmua si i drejte edhe nga arbitrazhi nderkombetar.

Ne insistuam ne ligjshmeri edhe kur u sulmuam ne menyre te paskrupullt nga qarqe te ndryshme, madje edhe me pozicione te rendesishme publike, brenda vendit.

Prandaj, ndjehem shume krenar që, me autorizimin e Guvernatorit Fehmi Mehmeti, udhëheqa ekipën me te cilen i’a shpëtuam Kosovës 30 milionë euro, i mbrojtem qytetarët e Kosoves nga abuzimi financiar dhe ruajtëm stabilitetin financiar në vend!

Kjo dëshmon punën e ndershme dhe të përgjegjshme në shërbim të Republikës tonë!

I Juaji,

Sokol Havolli