Haxhiu për vendimin për Klan Kosova: Na e kujton kohën e mbylljes së RTP-së nga pushteti serb

Deputeti i PDK-së, Bekim Haxhiu, ka kritikuar vendimin për mbylljen e Klan Kosova.

Ai thotë se “regjimi” i Albin Kurtit për mbylljen e Klan Kosova i kujton kohën e mbylljes së RTP-së nga pushteti serb.

“Kjo qeveri autokratike, po mundohet ta shuaj zërin e mediave, fjalën e lirë, veç pse po raportojnë për skandalet e tij e qeverisë së tij” ka thënë mes të tjerash Haxhiu.

Ai shtoi se Klan Kosova duhet të vazhdojë emetimin e programit, e kryeministri t’i dërgojë policinë “ashtu siç bëri Millosheviqi në vitet e ’90-ta”.

Ky është reagimi i plotë i tij:

Regjimi i Albin Kurtit mbyll mediumin Klan Kosova.

Ky vendim na e kujton kohën e mbylljes së RTP-së nga pushteti serb.

Kjo qeveri autokratike, po mundohet ta shuaj zërin e mediave, fjalën e lirë, veç pse po raportojnë për skandalet e tij e qeverisë së tij.

Për skandalet e Martin Berishës raportojnë çdo ditë mediat sllovene, atyre nuk ua mbyll dot gojën.

Klan Kosova duhet të vazhdoj emetimin e programit. Le ti dergon policinë ashtu siç bëri Millosheviqi në vitet e ’90-ta.

Nuk është më në pyetje vetëm Klan Kosova, por ky është paralajmërim i cenimit të mediave tjera në Kosovë.

Nuk mund t’i zhdukni skandalet me mbylljen e mediumeve, sepse në këtë zhvillim teknologjie sot gjithësecili qytetarë është gazetar.

Qeveria Zdravo, e vjedhjes edhe në vaj e rezerva shtetërore është në panik të zbulimit të së vertetës prandaj gjahu i Albinit janë mediat që s’po mbrrinë t’i kontrolloj.

Të gjithë në mbrojtje të fjalës së lirë, për të cilën u derdh aq shumë gjak.