Haziri: 3 rastet e reja janë ritestime të të infektuarve aktivë të para një jave

Komuna e Gjilanit sot ka regjistruar 3 raste të reja pozitive me koronavirus.

Për këtë, kryetari i kësaj komune, Lutfi Haziri, ka shkruar në “Facebook”, ku njoftoi se bëhet fjalë për ritestime të rasteve aktive të para një jave.

Sipas Hazirit, rastet janë në monitorim të plotë të Komitetit Emergjent të Gjilanit për parandalimin e përhapjes së #Covid19.

“Apeloj që t’i përshtateni masave mbrojtëse dhe të kujdeseni për vete e familjen. Mos jep e as mos merr shërbime pa maska e doreza. Mbaje distancën”, theksoi Haziri, në postimin e tij.