Haziri: LVV bllokoi sërish seancën e konstituimit të Kuvendit

Gjatë ditës së sotme dështoi të mbahet seanca konstituive e Kuvendit të Kosovës.

E deputeti i LDK-së Lutfi Haziri, ka akuzuar LVV-në për bllokimin e dytë të seancës konstituive të Kuvendit.

Ai theksoi se kryesuesi i seancës nga LVV-ja ka shkelur Rregulloren e Kuvendit.

Reagimi i plotë:

Sërish Lëvizja Vetëvendosje bllokoi seancën e konstitutimit të Kuvendit.

Pati kuorum, prezentë ishin 100 deputetë. Deputetët e LDK-së ishin në sallë. Fatkeqësisht, kryesuesi i kësaj seance, deputet nga radhët e LVV-së, shkeli Rregulloren e Kuvendit, duke thirrur fillimisht për konsultime politike, pa qenë i autorizuar dhe pa pasur mandat për një gjë të tillë.

Veprimet e sotme të LVV-së shpërfaqin bllokimin faktik të procesit të konstituimit të Kuvendit dhe themelimin e institucioneve të reja.

Republika, mbi të gjitha!