Haziri ngushëllon familjarët e të vdekurit nga Malisheva e Epërme, ka një apel!

Kryetari i Gjilanit, Lutfi Haziri, përmes një postimi të bër ënë Facebook, ka bërë të ditur se ka ndërruar jetës i prekuri me koronavirus M.I nga Malisheva e Epërme e kësaj komune.

Ai  ka shprehur ngushëllime familjarëve të të ndjerit, derisa ka bërë apel se mos të dilet jashtë, në të kundërtën do të jetë ndëshkime.

Ky është postimi i plotë:

#Dita45. Me keqardhje ju njoftoj se ka ndërruar jetë i prekuri me #Covid19, M.I. (1976), nga Malisheva e Epërme e Gjilanit. I ndjeri ishte në hemodializë dhe kishte probleme tjera përcjellëse. I shpreh ngushëllimet me të sinqerta familjes, Malishevës dhe gjithë qytetarëve të Gjilanit. Do të jemi pranë familjes për ta përballuar dhembjen.

Ju lutem mos dilni, vetëm në raste kur është patjetër. Ai që i thyen rregullat e karantinës dhe që nuk e respekton orarin e daljes, do të ndëshkohet sipas ligjeve në fuqi. #rriNshpi