Haziri tregon gjendjen e qytetares nga Gjilani të ardhur nga Zvicra që është prekur me COVID-19

Kryetari i Gjilanit ka njoftuar për një rast pozitiv të një qytetareje të Gjilanit e cila ka qenë në vizitë në Zvicër.

E prekura me Covid-19 ka dalur pozitive në testin e IKSHP’së për koronavirus dhe është futur mbrëmë në karantinën që gjendet në Qendrën e Studentëve pasi ka arritur në aeroport.

Haziri ka thënë se e infektuara nuk ka pasur kontakte me familjen në Kosovë dhe është izoluar në Qendrën e Studentëve.

“Ajo nuk ka pasur kontakt me familjen në Kosovë dhe për momentin gjendja e saj është stabile dhe nuk ka simptoma të mëdha”, ka thënë Kryetari i Gjilanit.

E prekura me koronavirus e çon në 16 numrin e rasteve pozitive nga komuna e Gjilanit.

Deri tash në Kosovë janë prekur 135 persona me koronavirus, një ka vdekur, kurse 16 janë shëruar. Së pari virusi është lajmëruar në Klinë e Viti. Pastaj Malishevë, Podujevë, Gjakovë, Prishtinë, Lipjan. Në gjithë botën janë prekur më shumë se një milion njerëz prej kësaj sëmundjeje ngjitëse, prej të cilëve 226 mijë janë shëruar ndërsa 59 mijë kanë vdekur.

sore./GazetaExpress/