Heidi bëhet e gjallë pas daljes nga BBV, thotë se pati probleme shëndetësore

Një nga finalistët e edicionit të sivjetmë të “Big Brother VIP Albania”, Heidi Baci, u “zhduk” pasi doli nga shtëpia.

Ndonëse ky edicion përfundoi disa ditë më parë, ajo nuk bëri ndonjë reagim publik deri më sot.

Heidi qëndroi në shtëpi që nga dita e parë, dhe fansat filluan të shqetësohen për të pasi nuk ishte aktive fare në rrjete sociale, raporton Indeksonline.

Mesa duket, Heidi ka pasur arsye të fortë përse nuk ka reaguar.

Përmes një “Instagram Story” të postuar disa minuta më parë, ajo falënderoi fansat për mbështetjen në këtë rrugëtim të gjatë.

Arsyeja përse nuk ka postuar deri më tani, Heidi thotë se është një problem shëndetësor, më saktësisht që ka të bëjë me syrin e saj.

Ajo thotë se mund të ketë ndonjë infeksion, duke shfaqur sytë e skuqur me lotë.

Megjithatë, Heidi thotë se do të rikthehet së shpejti me shumë projekte që e presin./Indeksonline/