Hiddink emërohet trajner i Kombëtares së njohur – dhe është befasi

Guus Hiddink është ngarkuar me detyrën që ta kualifikojë Kinën në për në Lojërat Olimpike të vitit 2020 pasi ish-trajneri i Real Madridit është emëruar trajner i Kombëtares së Kinës për grupmoshat, U-21.

71-vjeçari bëhet emri i fundit që lëvizë në futbollin kinez që prej kur presidenti i vendit, Xi Jinping ka shprehur dëshirën e tij që Kina të bëhet fuqi globale në futboll.

Holandezi i bashkohet Marcello Lippit në CFA, ku trajneri italian është duke e përgatitur ekipin senior të Kombëtares kineze për Kupën e Azisë, transmeton IndeksOnline.

Top trajnerët si Luiz Felipe Scolare, Fabio Capello, Manuel Pellegrini dhe Andre Villas Boas së fundmi kanë qenë të punësuar në disa klube kineze.

Emërimi i Hiddink është njoftuar nga faqja zyrtare e Federatës së Futbollit të Kinës së fundmi.

Hiddink njihet mjaft mirë në Azi, pasi në vitin 2002, e drejtoi Korenë e Jugut deri në gjysmëfinalen e Kupës së Botës.

Së funmdi ai ishte trajner i përkohshëm te klubi i madh anglez, Chelsea.

Kina nuk është paraqitur në Lojërat Olimpike në futboll që nga viti 2008, kur Pekini ishte nikoqir i kësaj gare dhe kinezët ishin të kualifikuar automatikisht./IndeksOnline/