Hidhet shorti në Superligën e Kosovës në futboll, duele interesant qysh në start

Sot në ambientet e Federatës së Futbollit të Kosovës u hodh shorti për xhiron e parë të sezonit të ri në Superligën e Kosovës në futboll, shkruan Indeksonline.

Qysh në xhiron e parë do të ketë ndeshje interesante. Kampionët e Feronikelit do t’i presin ekipin tjetër nga Drenica, KF Drenicën, ndërsa një tjetër derbi lokal do të zhvillohet në xhiron e parë, ai ndërmjet nën-kampionit, FC Prishtinës dhe Flamurtarit.

Në javën e shtatë do të luhet derbi më i madh lokal, ai ndërmjet Dritës dhe Gjilanit.

Java e parë në Superligën e Kosovës do të fillojë më 17 gusht ndërsa në ligën e parë më 24 gusht./Indeksonline/

Këto janë të gjitha duelet e xhiros së parë:

FC Drita : KF Ferizaj

KF Flamurtari : FC Prishtina

KF Dukagjini : FC Ballkani

KF Feronikeli : KF Drenica

KF Llapi : KF Vushtrria

KF Trepça 89 : SC Gjilani