Higjienizuesit e duarve shkaktojnë dëmtime në sy, rritje shqetësuese e rasteve

Higjiena e duarve është një mënyrë e rëndësishme për të parandaluar përhapjen e Covid-19 dhe, kur uji dhe sapuni nuk janë të disponueshëm, pastruesi i duarve me bazë alkooli është një mënyrë e mirë për ta zëvendësuar.

Higjienizuesët e duarve tani gjenden kudo në qendrat tregtare, shkolla, vendet e punës për ta bërë më të lehtë për njerëzit që të dezinfektojnë duart e tyre. Mirëpo, një pasojë, e dokumentuar në Francë, ka qenë dëmtimi i syve te fëmijët që aksidentalisht kanë kontaktuar dezinfektant në sy.

Kishte shtatë herë më shumë raste midis fëmijëve me ekspozim të syve ndaj kimikateve të rrezikshme në pastruesin e duarve midis 1 prillit dhe 24 gushtit të vitit 2020, krahasuar me të njëjtën periudhë të një viti më parë, sipas të dhënave nga Qendra Franceze e Kontrollit të Helmit.

Në të njëjtën periudhë, 16 fëmijë u paraqitën në një spital pediatrik të oftalmologjisë në Paris, sepse sytë e tyre kishin rënë në kontakt me higjienizues duarsh, krahasuar me vetëm një djalë në vitin 2019. Dy raste të rënda kërkuan kirurgji për të transplantuar inde në korneat e tyre.

Rastet e spitalit ishin të gjitha në fëmijë nën moshën 4 vjeç dhe studiuesit francezë thanë se arsyeja për këtë mund të jetë sepse kutitë shpërndarëse të xhelit janë zakonisht me lartësi 1 metër. Pikërisht ky është niveli i belit për shumicën e të rriturve, por është niveli i syve për fëmijët e vegjël.

Sipas studimit, rreziku më i madh për fëmijët, mund të vinte nga shpërndarësit e instaluar në vende publike. Në vitin 2020, 63 raste të ekspozimit kanë ndodhur në një vend publik, ndërsa asnjë nuk është raportuar në 2019.

Shumë higjienizues duarsh kanë një përqendrim të lartë të etanolit, i cili mund të vrasë qelizat në korne.

Colby tha se prindërit duhet të sigurohen që sytë e fëmijës së tyre të shqyrtohen shpejt nga një mjek profesionist nëse ata janë të ekspozuar ndaj higjienizuesve. Trajtimi i hershëm që ka të ngjarë të zvogëlojë pasojat afatgjata të dëmtimeve kimike në sy. http://www.albeu.com/kryetitull/higjienizuesit-e-duarve-shkaktojne-demtime-ne-sy-rritje-shqetesuese-e-rasteve/560615/