Holandezi në karrocë ndihmoi popullin e Kosovës, ambasadori Greiçevci e pret në takim për ta falënderuar
Ambasadori i Kosovës në Hagë, Lirim Greiçevci ka pritur në takim një njeri të veçantë.
Holandezi Christiaan Mensinga, ndonëse me trup të lënduar që nga viti 1999, duke i parë vuajtjet e njerëzve në Kosovë gjatë luftës, çdo vit ka bërë me qindra kilometra në Holandë, me karrocën e tij, duke mbledhur dhjetëra mijëra euro për ata më në nevojë, nga pasojat e luftës: fëmijët jetimë, gratë e veja dhe të moshuarit.
Christiaani ishte për vizitë në “shtëpinë e tij”, në Ambasadën e Kosovës në Holandë ku ka diskutuar me ambasadorin Greiçevci për punën humane që ka bërë për ta ndihmuar popullin e Kosovës, transmeton IndeksOnline.
Statusi i plotë i Greiçevcit:
Ky është holandezi Christiaan Mensinga. Ai është njeri me trup të lënduar, por me zemër të fortë dhe të madhe.
Christiaani, që nga viti 1999, duke i parë vuajtjet e njerëzve në Kosovë gjatë luftës, çdo vit ka bërë me qindra kilometra në Holandë, me karrocën e tij, duke mbledhur dhjetëra mijëra euro për ata më në nevojë, nga pasojat e luftës: fëmijët jetimë, gratë e veja dhe të moshuarit.
Angazhimi i tij i veçantë humanitar ka frymëzuar qytetarët dhe autoritetet holandeze për ta ndihmuar Kosovën. Shembull i tij unik bëmirës është pasqyruar në shumë media holandeze.
Christiaanit ia dhurova një libër për humanisten dhe shenjtoren tonë, Nënë Tereza.
Njerëzit si Christiaan të bëjnë të besosh në natyrën e mirë të njeriut. Ai meriton mirënjohjen tonë të pafund.
Dank u Christiaan ????