Hoti e quan VV-në “shami-kuqe”: Të dielën ne do dalim fitues, qytetarët nuk duan dhunë

Kryeministri në detyrë, njëherësh kandidati i LDK-së për këtë pozitë, Avdullah Hoti gjatë ditës së sotme ishte për tubim parazgjedhor në Gjilan, ku nga aty tha se të dielën do dalin fitues, shkruan Indeksonline.

Ai tha se atë ditë qytetarët do të votojnë për demokracinë, e jo për shami-kuqtë e autokracinë që haptas duan ta zhbëjnë Republikën tonë.

Postimi i plotë:

Falemnderit Gjilan!

Jam i lumtur me pritjen e jashtëzakonshme që na bënë gjilanasit. Sa shumë entuziazëm e zell për Lidhjen tonë!

Më 14 shkurt, qytetarët e Gjilanit dhe gjithë Anamoravës do ta demonstrojnë dashurinë e tyre për shtetin e Kosovës!

Forcat e urrejtjes dhe përçarjes përnjëherë po e përmendin dashurinë, sepse po e dinë që qytetarët nuk duan dhunë e kaos, por zhvillim e stabilitet.

Të dielën jam i bindur që do të dalim fitues. Qytetarët do të votojnë për demokracinë, e jo për shami-kuqtë e autokracinë që haptas duan ta zhbëjnë Republikën tonë.

Duajeni Kosovën më 14 shkurt! Vetëm kaq mjafton që të votohet masivisht LDK-ja!

#shtetishtet

#LDK132