10:27 / E Mërkurë, 26 Shkurt 2020

Hoti: Njohja reciproke me Serbinë, arrihet me dialogun të udhëhequr nga Qeveria

Zëvendëskryeministri i Republikës së Kosovës, Avdullah Hoti, ka thënë se Marrëveshja e paqes me Serbinë do të arrihet vetëm me njohje reciproke, shkruan IndeksOnline.

E sipas Hotit, kjo arrihet vetëm pas procesit dinamik diaologues i udhëhequr nga Qeveria e Kosovës.

Ky është postimi i plotë:

Para nesh kemi një proces sfidues të arritjes së Marrëveshjes së Paqes me Serbinë, që si konkluzion ka njohjen reciproke, siç edhe shprehet Sekretari Pompeo në letrën e fundit për Qeverinë e Kosovës.

Ballafaqimi me këtë proces është domosdoshmëri e jona, por edhe kërkesë e miqve tanë që na kanë përkrahur për 30 vite rresht, nga kërcënimet e Kërshëndellave e deri tek bombardimet e NATO-s e shpallja e pavarësisë.

Kjo marrëveshje arrihet vetëm përmes një procesi dinamik dialogues të UDHËHEQUR nga Qeveria e Republikës së Kosovës.

Ne, si Qeveri me legjitimitet të plotë qytetarë, do të jemi pjesë e zgjidhjes (të mirë) për vendin.

Pengesat e vetë shkaktuara që na përjashtojnë nga ky proces nuk na ndihmonjnë, përkundrazi.

Jemi në limit të kohës që të bëhemi pjesë e mbrojtjes dhe avancimit të sovranitetit të vendi tonë.