Hoti: Qeveria ime nuk i komenton çështjet që lidhen me Dhomat e Specializuara

Kryeministri Avdullah Hoti, përmes një postimi në Twitter, ka thënë se  Kosova është për një dialog me Serbinë që  çon drejtë njohjes reciproke dhe normalizimit të marrëdhënieve dhe zgjidhjen e çështjeve të pazgjidhura me Serbinë.

Hoti tutje ka thënë se Qeveria e tij nuk komenton çështjet që lidhen me Gjykatën Speciale, transmeton IndeksOnline.

Ndryshe gjatë ditës së djeshme është publikuar aktakuza ende e pakonfirmuar për presidentin e vendit Hashim Thaçi si dhe për kreun e PDK-së, Kadri Veseli.

Menjëherë pas këtij lajmi Thaçi anuloj vizitën e tij për në Washington.

Vetëm përmes dialogut që çon në njohje reciproke dhe normalizim të marrëdhënieve, ne mund t'i zgjidhim çështjet e pazgjidhura me Serbinë. Qeveria ime nuk i komenton çështje që lidhen me Dhomat e Specializuara. Kosova do të respektojë plotësisht detyrimet e saj ndërkombëtare!

— Avdullah Hoti (@Avdullah) June 25, 2020