Hoti: Të martën e ardhshme, do të raportoj në Kuvend për procesin e dialogut me Serbinë

Kryeministri i Kosovës Avdullah Hoti ka thirrur për një takim sot liderët e partive politike.

Takimi u mbajt me qëllim të bashkërendimit të qëndrimeve të spektrit politik të vendit, në procesin e dialogut me Serbinë, si edhe në prag të vizitës më 27 qershor në Uashington, derisa u bojkotua nga VV – PDK, transmeton Indeksonline.

Pas përfundimit të këtij takimi për media foli vetë kryeministri Hoti, derisa tha se ka marrë mbështetjen e liderëve dhe që në këtë proces do të ketë transparencë të plotë.

“Sapo përfundoi takimi i parë formal në bazë të platformës së publikuar për qasjen për proces të dialog, falënderoj liderët që ishin në takim, të gjithë i dhanë mbështetje partimeve që kemi vendos dhe transparencë, do të ketë.

Janë inkurajuar në këtë mbështetje, ne jemi gati që të ulemi në tavolinë të dialogut për një qëllim, për marrëveshje përfundimtare njohje reciproke dhe normalizim të marrëdhënieve.

Do të marrim vendime të rëndësishme për të vendosur Kosovën në një pozicion të favorshëm të dialogut.

Gjatë këtyre dy jave kemi pasur takime intensive me ambasadorë të KUINT-it me shqoëri civile e me Akademinë e Shkencave dhe Arteve e kemi kompletu mozaikun për procesin

Së shpejti do të raportojmë edhe në Kuvend për platformën tonë, një mundësi e mirë që është vendosur të martën e ardhmshme do të raportoj do të kërkoj formalisht themelimin e Komisionit parlamentar për dialogun, nga kjo paraqitje ftoj partitë opozitatë për rolin e tyre mbikqyrëse”, tha Hoti./Indeksonline