Hovenier thotë se patën biseda të rëndësishme në takimet me krerët e qeverisë

Ambasadori i Shteteve të Bashkuara të Amerikës në Kosovë, Jeffrey Hovenier, i ka vlerësuar të rëndësishme bisedat që kanë zhvilluar me zyrtarët e Qeverisë së Kosovës, bashkë me ndihmëssekretarin për Çështjet Evropiane dhe Euroaziatike të Departamentit të Shtetit amerikan, James C. O’Brien.

Hovenier në një postim në X ka thënë kanë diskutuar për partneritetin mes dy vendeve dhe që të gjithë qytetarët që jetojnë në Kosovë te kenë siguri dhe kushte të mira.

“Patëm biseda të rëndësishme me liderët e qeverisë për partneritetin me ne për të rritur paqen dhe prosperitetin, për të siguruar që të gjithë qytetarët e Kosovës të jetojnë në kushte dinjiteti dhe sigurie dhe për ta avancuar Kosovën në rrugën euroatlantike si një shtet modern dhe evropian”, ka shkruar Hovenier.

Thanks to @StateEUR Assistant Secretary O’Brien for his visit to Kosovo. Had important conversations with Government leaders on partnering with us to enhance peace and prosperity, ensure that all citizens of Kosovo live in conditions of dignity and security, and advance Kosovo on… pic.twitter.com/5xwhbvkunF

— Ambassador Jeff Hovenier (@USAmbKosovo) October 22, 2024