Hoxhaj: Gjenerali Clark po e bombardon për herë të dytë Serbinë

Ish-Komandanti i NATO-s, Wesley Clark, ka nisur sot dëshminë e tij në Dhomat e Specializuara në Hagë, ku po paraqitet si dëshmitar në mbrojtje të Hashim Thaçit.

Pas fillimit të dëshmisë, ish-kryediplomati Enver Hoxhaj reagoi përmes një statusi në Facebook, duke e cilësuar paraqitjen e Clarkut si “bombardimin e dytë” ndaj Serbisë.

“Gjenerali Wesley Clark sot po e bombardon për herë të dytë Serbinë. Historia është e qartë. Të vërtetat po dalin në dritë. Drejtësia po afrohet”, shkroi Hoxhaj.

Dëshmia e Clarkut pritet të hedhë dritë mbi rrethanat e luftës në Kosovë dhe vendimet që çuan në intervenimin e NATO-s në vitin 1999.