Hoxhaj për formimin e institucioneve: Nuk pranojmë nga askush që ta na shet “sapunin për djathë”

Kryetari i PDK-së, Enver Hoxhaj, ka mbajtur një konferencë shtypi menjëherë pas përfundimit të seancës konstituive.

Ai tha se PDK-ja respekton institucionet e Kosovës dhe iu drejtuar gazetarëve që sot nuk ka gazë e as dhunë.

Ai tha se nuk do t’i nënshtrohet vullnetit të askujt për formimin e institucioneve.

“Sot kishim një seancë konstituive të Kuvendit të ri dhe PDK-ja është një parti e cila e respekton vullnetin e qytetarëve të Kosovës dhe po e shihni që sot nuk ka gazë as dhunë në Kuvend të Kosovës, PDK-ja nuk i nënshtrohet vullnetit të askujt kur është fjala për krijimin e institucioneve të reja dhe nuk pranojmë nga askush që ta na shet “sapunin për djathë”, tha Hoxhaj.