Abdixhiku deklarohet pas takimit me Vjosa Osmanin: Uniteti nacional, domosdoshmëri

Kryetari i Lidhjes Demokratike të Kosovës, Lumir Abdixhiku është deklaruar pas takimit me presidenten e vendit, Vjosa Osmani.

Ai ka thënë se në takimin e përbashkët, është informuar mbi gjendjen e sigurisë në veri të vendit dhe angazhimin e institucioneve shtetërore.

Ai ka thënë se djemtë dhe vajzat tona fituan betejën kundër terrorizmit në terren.

Është, koha, sipas tij, tani ta fitojmë atë diplotimatike në politikë.

Postimi i Abdixhikut:

Mbrëmë, kam pranuar ftesë nga Presidentja e Kosovës për takim të përbashkët me të dhe Drejtorin e AKI-së. Këtë mëngjes, në takimin e përbashkët, jam informuar mbi gjendjen e sigurisë në veri të vendit dhe angazhimin e institucioneve shtetërore  – veçmas ato të sigurisë e inteligjencës – në përballje me sulmet terroriste gjatë ditëve të fundit; dhe jo vetëm.

Kam shprehur mirënjohjen e Lidhjes Demokratike të Kosovës për të gjithë në shërbim. Kam shprehur po ashtu domosdoshmërinë e unitetit nacional  në përballje me sfidat që mund të vijnë nga Serbia; si shtet sponsorizues e strehues i terroristëve.

Djemtë e vajzat tona fituan betejën kundër terrorizmit në terren.

Është koha ta fitojmë atë diplomatike në politikë.

Në këtë përpjekje jemi bashkë. Në këtë përpjekje na duhen aleatë.