Ahmeti pyet qeverinë: A bon me hangër mish najherë, ndalni hajnat
Ish Kryetari i Prishtinës, Shpend Ahmeti e ka komentuar vendimin e Qeverisë së Kosovës për të ndaluar prodhimin e kriptovalutave.
Ahmeti në një shkrim në Facebook ka shkruar se ndalimi i i prodhimit të kriptovalutave për të kursyer rrymë tregon mosnjohuri bazike të procesit të Mining dhe blockchainit në përgjithësi, transmeton Indeksonline.
“Kriptovalutat duhet të rregullohen dhe mbikëqyren, por vendimi i tillë veçse shkakton kosto të cilën qeveria nuk po e kupton”, ka shkruar ndër të tjera Ahmeti.
Ndërsa, në llogarinë e tij në Twitter, ka pyetur qeverinë se a duhet me hangër mish najherë duke kërkuar nga Qeveria t’i ndal hajnat.
Reagimi i tij i plotë:
Ndalimi i prodhimit të kriptovalutave për të kursyer rrymë tregon mosnjohuri bazike të procesit të Mining dhe blockchainit në përgjithësi.
Kriptovalutat duhet të rregullohen dhe mbikqyren, por vendimi i tillë vecse shkakton kosto të cilën qeveria nuk po e kupton!
Qeveri, a bon me hongër mish najherë? Nalni hajnat!
— Shpend Ahmeti (@ShpendA) January 5, 2022
